Dahil sa batas na butas kung bakit ang mga kabataan sa ngayon ay lumalala. Binibigyan ng sobrang karapatan na hindi man lang iniisip ang kanilang kapakanan. Kung ikaw ay magagalit sa anak mo dahil siya’y nagkamali at siya’y iyong naparusahan, ikaw pa ba ang mali? Iniisip mo lang ang ikabubuti sa kanila. Ano ba ang mas makakabuti? Hayaan sila na lumaki ng walang disiplina? O pagalitan sila dahil may concern ka? Kung ikaw na ang sasaktan ng bata hahayaan mo lang ba? Kung ikaw ay babastusin sasabihin mo ba na ayos lang ang lahat? Ano ang mas pipiliin mo karapatan nila na hindi saktan pero lalaki na walang disiplina o masaktan sila para sa kanilang sariling kapakanan? Kapag ika’y sumigaw at magalit dahil nakita mong siya’y nagkamali, nakipag-away, nanakit ng kapwa, hahayaan mo lang ba? Maraming bata ang hindi nadadaan sa paki-usap.
Pinagsabihan mo na ngunit ika’y binalewala. Iniisip kasi nila na meron silang karapatan na magpoprotekta kaya ika’y wala na lamang magawa. Maraming kabataan sa ngayon na walang paki alam sa nararamdaman ng iba lalo na yung mga bata na hindi nasusubaybayan ng kanilang mga magulang. Ang pagpapalaki ng bata at ang kanilang karunungan ay nasasakop ng dalawang aspeto, heredity at environment, gaano man karunong ang isang bata ngunit siya’y lumaki ng walang magandang pag-uugali, at nakakakita ng mga bagay na hindi dapat ginagaya ng mga kabataan mababalewala ang karunungan na meron siya. Hindi dapat sinisisi ang lahat ng ginagawa ng bata sa paaralan dahil may obligasyon din ang kanilang mga magulang.
Madalas na nasasangkot ngayon ang mga bata sa krimen dahil alam nila na hindi sila makukulong. Kapag sila’y nahuli kinakausap lang ang kanilang magulang pero pagkatapos babalik sa dating gawain. Kaya mas malakas ang loob nila na gumawa ng mali sa ating paligid dahil meron silang proteksiyon sa batas. Pero ang mga taong iniisip ang kanilang kapakanan wala man lang batas na tutulong sa kanila.
Lahat ng sobra ay masama. Maaawa ka sa bata kapag iyong napagalitan pero kung paulit-ulit niyang gagawin ang isang bagay na mali hindi na pupuwede.
Tandaan natin na nagsisimula ang pagpapalaki ng bata sa bahay. Dito sila unang natututo. Huwag tayong magalit kung bakit sila’y natututo ng mga bastos at pangit na salita, hindi nila ito masasabi kung di nila ito naririnig, di nila ito nakikita.
Wala ng tamang batas na nagpoprotekta sa mga guro. Ang lahat ng bagay ay mayroong limitasyon pero paano kung buhay mong inalay sa bayan ang bata mong tinuruan ang siya rin bang magwawakas ng iyong buhay?
“in every rule there’s an exemption”
